O lateral de As Pontes non continuará na U.D. Somozas a próxima tempada
Logo de tres tempadas, chegou o momento.
Marcha o capitán.
Procedente do C.D. As Pontes, na tempada 20/21 chegou Álex ao Manuel Candocia para converterse de seguido nunha peza máis que importante na maioria dos partidos; non en van ten un dos maiores rexistros de minutos disputados con nós nestes tres anos que vestiu a verde e branca, case todos eles coma titular.
A marca quedou nun total de 7.433 minutos en 85 encontros, os 30 da tempada que vimos de rematar disputados ao completo dende o minutos 1 ata o 90.
Só nos queda darlle as grazas de parte de todos e cada un dos que formamos este club, pola súa entrega, o seu traballo, e o orgullo co que portou a cinta de capitán.
Os nosos mellores desexos para o futuro, Capitán.
O Manuel Candocia sempre terá as portas abertas para ti.
En As Somozas a 20 de Xuño de 2.023