Alberto é novo xogador da U.D. Somozas para a próxima tempada.
Alberto Rodríguez vén de ser confirmado pola dirección deportiva como novo reforzo para a nosa plantilla de cara á próxima campaña, logo de pecharse o acordo entre as partes para quedaren vencelladas.
Chega procedente do Galicia de Mugardos, onde disputou máis de 3.100 minutos, repartidos en 36 encontros.
Agradecendo a súa confianza no noso proxecto, agardamos que sexa unha tempada frutífera para el e tamén para nós.
En As Somozas a 04 de Xullo de 2.023.