Luis Díaz non continuará na Unión Deportiva Somozas a próxima tempada.
Chegou na tempada 21/22. Dende entón e ata agora, estivo presente en todos os partidos nos que as amoestacións e as lesións llo permitiron.
Despois de 85 encontros e máis de 7.000 minutos de xogo, é momento de despedir a un mediocampista dun enorme nivel que, con mellores e peores momentos neste tempo, puxo sempre todo canto na súa mán estivo para defender as nosas cores e portar a cinta de capitán do mellor dos xeitos. Esforzo e traballo nunca faltaron.
Serio, profesional, traballador e comprometido sempre disposto e remando coma o que máis na procura dos nosos obxectivos e defendendo os nosos valores.
Un home dun nivel persoal extraordinario que sempre mantivo un trato espectacular con compañeiros, corpos técnicos, directivos e demais persoal que pasou pola entidade; facilitando sempre o noso traballo.
Só nos queda agradecerlle todo canto fixo por nós estas tres campañas e desexarlle a mellor das sortes nos camiños, profesionais e persoais, que decida emprender.
O Manuel Candocia sempre terá as portas abertas para ti, Lucho.
En As Somozas a 24 de Xuño de 2.024