Álex Ares é novo xogador da Unión Deportiva Somozas para a próxima tempada.
A dirección deportiva vén de confirmar a incorporación do mediapunta Álex Ares (Pontedeume, 1.992) como novo xogador da Unión Deportiva Somozas para a tempada 24/25, logo de pecharse o acordo entre as partes para quedaren vencelladas.
Así, o talentoso futbolista de Pontedeume completa o retorno á que foi a súa casa hai xa unha década, cando formou parte do grupo de xogadores que deixaron o seu nome escrito con letras de ouro nos nosos libros de historia, nunha espectacular tempada 13/14 que remataría dándonos o campionato de liga de Tercera División e o conseguinte ascenso a Segunda División B, categoría na que Álex nos acompañou a primeira das tres tempadas que nela competimos.
Con pasado en equipos como C.C.D. Cerceda, S.D. Compostela, Coruxo F.C. e máis recentemente, no Zamora C.F., o eumés reforzará o noso ataque na 24/25.
Benvido de novo á túa casa, Álex.
En As Somozas, a 25 de Xuño de 2.024
Novas Relacionadas
