Pep Caballé é novo xogador da Unión Deportiva Somozas para a próxima tempada
A dirección deportiva vén de confirmar a incorporación do atacante Pep Caballé (Maó, 1.990) como novo xogador da Unión Deportiva Somozas para a tempada 24/25, logo de pecharse o acordo entre as partes para quedaren vencelladas.
Chega procedente do S.D. Compostela, onde estivo a tempada 23/24.
Logo dun paso dunha tempada pola canteira do F.C. Barcelona, formouse nas categorías inferiores do U.E. Cornellá, onde desenvolvería gran parte da súa carreira. Recalou tamén en equipos como U.D. Ibiza, ou S.D. Compostela.
Foi no Racing Club de Ferrol onde acadou os seus maiores logros, chegando a conquerir co conxunto departamental o ascenso ao fútbol profesional na 22/23.
Xogador de sobrada experiencia e dun nivel diferencial, que nos aportará moito fútbol nesta nova tempada.
Agradecendo a súa confianza no noso proxecto, desexámoslle o mellor nesta nova etapa da súa carreira.
Benvido á túa casa, Pep
En As Somozas, a 09 de Xullo de 2.024