Ander García é novo xogador da Unión Deportiva Somozas para a próxima tempada
A dirección deportiva vén de confirmar a incorporación do lateral zurdo Ander García (Bilbao, 2.001) como novo xogador da Unión Deportiva Somozas para a tempada 24/25, logo de pecharse o acordo entre as partes para quedaren vencelladas.
Chega procedente do Castro C.F., do Grupo III de Tercera Federación.
Desembarca no Alcalde Manuel Candocia logo de pasar as últimas catro tempadas enrolado nas filas do conxunto cántabro, co que disputou un total de 82 partidos, máis de 5.800 minutos, e acadou 2 goles.
Os seus rexistros na tempada 23/24 quedáronse en 26 encontros, máis de 1.800 minutos e 1 gol.
Apuntalamos deste xeito o sector esquerdo da nosa parcela defensiva.
Agradecendo a súa confianza no noso proxecto, desexámoslle o mellor nesta nova etapa da súa carreira.
Benvido á túa casa, Ander.
En As Somozas, a 15 de Xullo de 2.024
Novas Relacionadas
