Novas

Asier continúa defendendo a nosa zamarra unha tempada máis.

A dirección deportiva vén de confirmar a continuidade do noso capitán nas nosas filas na tempada 25/26, logo de pecharse o acordo entre as partes para prolongar a súa relación contractual durante o mencionado periodo.

Deste xeito, o lateral de Oleiros cumprirá a que será a súa quinta tempada no Manuel Candocia.

O contador de estatisticas de Asier a pasada tempada parouse en 22 encontros disputados, 15 coma titular e sendo un home importante en momentos chave da tempada para acadar os obxectivos.

Estamos seguros de que seguirá traballando arreo e dándonos o mellor nivel do seu fútbol.

                                              En As Somozas, a 27 de Maio de 2.025