Dani Sánchez non continuará na Unión Deportiva Somozas.
Logo de dúas tempadas e media, chega ao fin a etapa de Dani Sánchez nas nosas filas.
Chegado na tempada 23/24 dende o Racing Club de Ferrol, Dani participou nun total de 33 partidos, anotando 1 gol. .
Ben é certo que nesta tempada as cousas non se deron todo o ben que quixeramos ningunha das partes, a causa das lesións que aqueixaron ao ferrolán case dende o principio da mesma, máis o traballo e compromiso coa entidade nunca faltaron.
Agora, por motivos persoais que atendemos e respectamos, despedimos un xogador de moitísima calidade no futbolístico, pero máis se cabe no eido persoal.
Dende aquí, só podemos desexarlle todo o mellor no futuro e agradecer todo o que deu de sí en beneficio do club neste tempo.
En As Somozas, a 27 de Xaneiro de 2.026
Novas Relacionadas
